VOV4.Bahnar - Pơ gê 23/8, tơ̆ Hà Nội, Phŏ Kơ dră tĕh đak Võ Thị Ánh Xuân, Kơ dră Khul tơ gŭm Anih mong jên tơ gŭm ăn hơ iŏh Việt Nam truh hơ pong, hơ păh tơ mam ăn hơ iŏh răih hơ met ƀơ̆r hong, muh huĕh tơ̆ Hnam pơ gang Việt Nam-Cu Ba. Đơ̆ng sơ năm 1997, Anih mong jên tơ gŭm ăn hơ iŏh Việt Nam tơ lĕch tơ drong jang “Yoa ƀơ̆r hiĕk kơ đe hơ iŏh” vă tơ gŭm jên răih hơ met ƀơ̆r hong, muh huĕh ăn hơ iŏh Việt Nam.

Đơ̆ng rŏng 25 sơ năm tơ gŭm, jô̆ truh dang ei đei hlŏh 30 rơ bâu ‘nu hơ iŏh lơ̆m tĕh đak đei răih hơ met. Sơ năm ‘nâu, tơ chĕng adrol vă răih dơ̆ng ăn 2 rơ bâu ‘nu hơ iŏh tơ̆ dôm dêh char groi kông găh tu, Tơ ring Tŏk bŏk, Tây Nguyên păng tơ ring Pơ băh. Tơ chĕng adrol lơ̆m ‘măng mă âu, tơ̆ Hnam pơ gang Việt Nam-Cu Ba Anih jang Operation Smile vă tơ gŭm răih hơ met ƀơ̆r hong, muh huĕh, pơ plei tơ̆ muh măt ăn 800 ‘nu hơ iŏh đơ̆ng dôm dêh char găh Tu. Đĭ đăng jên răih păng jên pơ huach nai nhen jên sŏng xa, ƀich tep, hao gre đơ̆ng đe hơ iŏh gô đei tơ gŭm đĭ.

Dơ̆ng: Tơ blơ̆