VOV4.Bahnar - Kơ sơ̆ 16/9, Phŏ Kơ dră tĕh đak Võ Thị Ánh Xuân pơ gơ̆r Hop akŏm Anih mong jên tơ gŭm ăn hơ iŏh Việt Nam vă hơ len năng tơ drong jang tơ gŭm lơ̆m 8 khei âu ki, tơ lĕch tơ drong jang lơ̆m dôm khei hơ tuch sơ năm ‘nâu. Phŏ Kơ dră tĕh đak Võ Thị Ánh Xuân pơ ma hơ dăh, lơ̆m khei ‘năr oei mơ mat tat hơ dai, mă lei hăm jơ hngâm đon băt ‘mêm păng jang tơ năp Anih tơ gŭm hlôi tơ lĕch đon pơ hnŏng krao hơ vơn 100 ti hlak jên lơ̆m sơ năm ‘nâu vă tơ gŭm ăn 100 rơ bâu ‘nu hơ iŏh păng hlôi iŏk đei hlŏh 50% nơ̆r hơ găt.

Jơ bơ̆ jang lơ̆m Hop akŏm

Vă hơ tŏk jên mong păng tơ gŭm lơ ƀiơ̆ ăn hơ iŏh đei tơ drong arih xa mơ mat tat dêh hlŏh, Phŏ Kơ dră tĕh đak athei Anih mong jên ‘moi kiơ̆ rim tơ drong tơ̆ yăn âu vă tơ lĕch trong jang ăn sơ năm truh găh tơ drong tơ gŭm ăn hơ iŏh păng krao hơ vơn, mong akŏm jên mă lăp. Lơ̆m nŏh dôm tơ drong tơ gŭm athei pơ ‘nhŏ ăn tơ drong: hơ tŏk kơ chơ̆t bek, răih hơ met ƀơ̆r hong, muh huĕh, jĭ plei nuih đơ̆ng nge, man hnam oei xa tơ̆ hnam trưng ăn dôm tơ ring mơ mat tat.

Dơ̆ng: Tơ blơ̆