VOV4.Bahnar - Ƀlep ƀât tơ băt 75 sơ năm Năr linh jĭ rơ ka – Linh lôch tang tĕh đak (27/7), pơ gê 6/7, tơ̆ Anih jang kơ ƀok Kơ dră tĕh đak, Phŏ Kơ dră tĕh đak Võ Thị Ánh Xuân tơ ƀâp khul tang măt ăn bơ ngai đei kŏng rơ gei kơ dêh char Bắc Kạn. Pơ ma nuh hăm khul tang măt ăn bơ ngai đei kŏng, Phŏ Kơ dră tĕh đak Võ Thị Ánh Xuân tơ chĕng ‘lơ̆ng dêh char Bắc Kạn mă đơ̆ng oei tơ ƀâp lơ mơ mat tat mă lei hơ nơ̆ng jang ‘lơ̆ng tơ drong tơ gŭm ăn bơ ngai đei kŏng, vei lăng sơ đơ̆ng ‘lơ̆ng tơ drong arih xa tơ pôl tơ̆ tơ ring, akŏm jơ hngâm đơ̆ng đĭ đăng tơ pôl vă vei lăng bơ ngai đei kŏng.

Phŏ Kơ dră tĕh đak Võ Thị Ánh Xuân tơ ƀâp bơ ngai đei kŏng dêh char Bắc Kạn

Phŏ Kơ dră tĕh đak athei dêh char Bắc Kạn hơ nơ̆ng tưk tơ iung dôm tơ drong hlôi jang đei khei ‘năr âu ki; adrin roi tơ ƀôh mă rơ đăh, pơ tho jơ hngâm đon ‘mêm tĕh đak đơ̆ng hơ drĕch hơ drung hăm kon pơ lei păng đĭ đăng tơ pôl găh tơ drong juăt vei lăng tĕh đak, bơ nê kơ dôm bơ ngai đei kŏng hăm tĕh đak lơ̆m chăl hrei ‘nâu; hơ len năng tơ drong arih xa kơ bơ ngai đei kŏng tơ̆ dêh char, ƀơm truh tơ drong jang, jơ hngâm pran, jên khei đei iŏk yoa vă apinh hăm Trung ương, tơ gŭm ăn bơ ngai đei kŏng tơ tom. 

Dơ̆ng: Tơ blơ̆