VOV4.Bahnar - Tơ̆ Anih jang Kơ dră teh đak, Phŏ Kơ dră teh đak Võ Thị Ánh Xuân sơng Khŭl bơ ngai tang măt kang ƀô̆ drŏ kăn Anih mong jên ƀlep ƀơ̆t năr Apŭng plĕnh teh kơ đe drŏ kăn ‘năr 8/3.  Tơ̆ jơ sơng, Kơ dră vei lăng Anih mong jên Teh đak Việt Nam Nguyễn Thị Hồng tơ băt, kơ sô̆ drŏ kăn đei dang 60% khŭl jang tơ̆ rim anih mong jên păng đei 24% akŏp kơ sô̆ dôm kơ dră vei lăng gĭt kăl. Anih mong jên tŏk bŏk tơ lĕch jang tơ drong jang jên hu tôm tong kơ teh đak truh sơ năm 2025, vă jang truh sơ năm 2030, lơ̆m noh drŏ kăn ‘noh grŭp bơ ngai tôch kơ đei bơ ngơ̆t truh. Phŏ kơ dră teh đak Võ Thị Ánh Xuân gơ̆ih nơ̆r hmach chơt hơ iă ‘lơ̆ng hloh truh kang ƀô̆ drŏ kăn jang kơ Anih mong jên pơ ma hơ drô̆ păng drŏ kăn lơ̆m teh đak pơ ma atŭm, pơ ma hơ dăh, anih mong jên pơ ma atŭm, kang ƀô̆ drŏ kăn jang lơ̆m anih mong jên pơ ma hơ drô̆, bơ ngơ̆t truh, vang yak hơ dai hăm Mặt trận Tổ quốc Việt Nam, rim khŭl jang chĭnh trĭ - tơ pôl vă tơ lĕch jang tơ tom dôm tơ drong jang vei sơ đơ̆ng tơ drong arih sa tơ pôl, ‘mêm mơ nat, ƀlŏk hơ dơ̆r. Kơ dră chĕp kơ̆l Anih mong jên teh đak Việt Nam hơ nơ̆ng bơ ngơ̆t truh tôm găh tơ drong jang kang ƀô̆ drŏ kăn kơ anih mong jên, pơ tho ming kang ƀô̆ hơ drin tơ găl hăm kơ sô̆ kang ƀô̆ drŏ kăn lơ̆m anih jang.

Thuem: Tơ blơ̆