VOV4.Bahnar - Tơ băt 132 sơ năm năr rơ nĕh Ƀok Hô, kơ sơ̆ 19/5, tơ̆ Anih jang kơ ƀok Kơ dră tĕh đak, Phŏ Kơ dră tĕh đak Võ Thị Ánh Xuân tơ ƀâp 60 ‘nu druh dăm rơ gei găh Grŭp anih tĕch mơ dro Trung ương. ‘Nâu jĭ dôm bơ ngai rơ gei dơ̆ng tang ăn hlŏh 100 rơ bâu ‘nu đoàn viên druh dăm găh Grŭp anih tĕch mơ dro Trung ương lơ̆m tơ drong hŏk pơ hrăm păng jang kiơ̆ jơ hngâm đon ‘lơ̆ng đơ̆ng Ƀok Hô đơ̆ng 2020 - 2022.

Pơ ma lơ̆m jơ tơ ƀâp, Phŏ Kơ dră tĕh đak Võ Thị Ánh Xuân athei Đoàn Grŭp anih tĕch mơ dro Trung ương hơ tŏk tơ drong jang tơ roi tơ băt hăm lơ trong pha ra băl; hơ pơi ‘mĕh đe druh dăm rơ gei đei pôk pơ ư hơ nơ̆ng tưk tơ iung dôm tơ drong hlôi jang đei, hơ tŏk đon jang tơ năp, đei đon hơ pơi ‘mĕh jang tŏk kơ dih vă tơ gop ăn anih tĕch mơ dro, Grŭp jang păng anih kơ dih kâu oei bơ̆ jang hrei ‘nâu, tơ găl jĭ dôm bơ ngai gơ̆h hơ gei vă đoàn viên druh dăm pơm kiơ̆.

Dơ̆ng: Tơ blơ̆