VOV4.Bahnar - Gơ măng ‘năr 31/7, tơ̆ dêh char Hòa Bình hlôi pơ gơ̆r tơ drong joh hơ ri "Hoà Bình- Boa h ri tơ ring Mường”, sơng iŏk ƀăng pơ kăp 2 tơ mam kăp gĭt kơ teh đak: Lĭch kram sơ̆ păng lêh joăt joe tơ jur Gơ̆ng kơ bơ ngai Mường dêh char Hòa Bình. Vang truh akŏm tơ drongđei Phŏ Kơ dră teh đak Võ Thị Ánh Xuân kŭm hăm kơ dră chĕp kơ̆l rim anih tơm, anih jang Trung ương.  Pơ ma tơ̆ jơ pơm lêh, Phŏ kơ dră teh đak akhan, hăm jơ hnơr arih sa đunh đơ̆ng sơ̆ tơ̆ Hòa Bình, bơ ngai Mường hlôi pơm pơ cheh đei lơ tơ mam so ‘lơ̆ng hơ iă, tơ gop pơm lơ dơ̆ng lơ̆m tơ drong joh ayŏ kơ 54 hơ drĕch hơ drŭng ‘nhŏng oh.

Phŏ Kơ dră teh đak Võ Thị Ánh Xuân pơ ma tơ̆ jơ pơm lêh

Lơ̆m noh Lĭch kram sơ̆ păng lêh joăt joe tơ jur Gơ̆ng đei pôk hơ năn Tơ mam so kăp gĭt kơ teh đak tơ klep hăm tơ drong choh pơ tăm ƀa đak. Phŏ Kơ dră teh đak pơ ma hơ dăh, dôm kơ jă kăp gĭt joh ayŏ âu jĭ tơ ley tơ goăt tơ pôl tơ gŭm ăn kon pơ lei tơ̆ groi teh âu yak hloh rim tơ drong mơ mat tat, long nol vă yak tŏk kơ jăp, pơ jing păng hơ tŏk tơ iung pơ lei pơ la roi ‘năr roi pơ drŏng ‘lơ̆ng.

Thuem: Tơ blơ̆