VOV4.Bahnar - Tơ̆ Hop akŏm găh Tơ roi tơ băt tơ chơ̆t đơ̆ng Kơ dră Anih tơm vei lăng Kŏng an pơ gơ̆r tơ̆ anih jang Kŏng an dêh char Gia Lai, Đại tá Lê Văn Hà- Phŏ kơ dră vei lăng Kŏng an dêh char đei ăn năm jang tơ̆ Anih tơm chĕp kơ̆l pơ gơ̆r Cảnh sát Cơ động (găh Anih tơm vei lăng Kŏng an), pơm Phŏ Chĕp kơ̆l pơ gơ̆r. Đại tá Lê Văn Hà ki ‘noh pơm Phŏ kơ dră Anih Hậu cần-Kỹ thuật, Anih tơm chĕp kơ̆l pơ gơ̆r Cảnh sát Cơ động (Anih tơm vei lăng Kŏng an).

Khei 11/2018, ƀok Hà đei Anih tơm vei lăng Kŏng an ăn năm pơm Phŏ kơ dră vei lăng Kŏng an dêh char Gia Lai. Kơ plăh bơ̆ jang tơ̆ Gia Lai, Đại tá Lê Văn Hà hlôi kơ chăng tơ chĕng hơ len, tơ mơ̆t yua dôm tơ drong hơ găt, pơ gơ̆r rim anih jang bơ̆ jang ‘lơ̆ng rim hơ năp jang đei pơ jao. Dôm jơ nei lơ̆m tơ drong jang đơ̆ng Đại tá Lê Văn Hà hlôi đei kơ dră chĕp kơ̆l Anih tơm vei lăng Kŏng an, anih jang Kŏng an păng Anih jang Đảng dêh char, Anih vei lăng kon pơ lei dêh char Gia Lai chih iŏk, pôk pơ ư, lăng ‘lơ̆ng.

Thuem: Tơ blơ̆