Tang măt ăn Anih chep kơ̆l pơgơ̆r Kuô̆k hô̆i, Phŏ Kơdră chĕp kơ̆l Kuô̆k hô̆i Trần Thanh Mẫn pơtruh ăn kơdră chĕp kơ̆l dêh char Hậu Giang, apŭng Châu Thành A, xăh Thạnh Xuân păng dôm unh hnam đei kŏng, bơngai tơ nuh, công nhân, bơngai jang mơmat tat tơ̆ apŭng Châu Thành A, dêh char Hậu Giang nơ̆r jet gia pơma nuh păng nơ̆r hmach thơ thou ‘lơ̆ng hơ iă hlŏh. 

Phŏ Kơdră chĕp kơ̆l Kuô̆k hô̆i tơtă ăn dêh char Hậu Giang hơnơ̆ng tơrĕk truh, pơm hơtŏk tơdrong arih xa găh tơmam drăm păng jơhngâm đon ăn dôm unh hnam đei kŏng, unh hnam tơnuh, bơngai jang đei tơdrong arih xa mơmat tat, pơtho ăn kon pơlei tơplih ming ‘long pơtăm, kon tơrong kiơ̆ trong jang xa rơgŏh, dar dĕh pơjing đei hơnăn tơ mam rơgŏh, sek tơlang ‘lơ̆ng tơdrong tĕch mơdro tơmam đơ̆ng kon pơlei jang đei; hơtŏk đon hlôh vao, hŏk pơhrăm ăn kon hơ ‘lơ̆p unh hnam đei kŏng, unh hnam tơ nuh.