Phŏ Kơdră Kuôk hô̆i Trần Thanh Mẫn hlôi gơih nơ̆r hmach thơ thâu jơhngơ̆m pran jăng, sơđơ̆ng hiôk truh Ƀok soi tơm Giuse Nguyễn Chí Linh, Ƀok soi tơm Hnam khop Huế păng dôm bơngai vei lăng găh Lui Kŏng yăo, kŭm hăm đĭ đăng kon pơlei kiơ̆ lui lơ̆m pơyan Nôel sơđơ̆ng hiôk. Ƀok soi tơm Giuse Nguyễn Chí Linh, Ƀok soi tơm vei lăng Hnam khop tơm Huế bơnê tơdrong bơngơ̆t truh đơ̆ng kơdră chĕp kơ̆l Đảng, teh đak, Mặt trận Tổ quốc Việt Nam păng kơdih Phŏ Kơdră Kuôk hô̆i Trần Thanh Mẫn.

Tơdrong bơngơ̆t truh đơ̆ng rim kơdră chĕp kơ̆l hlôi păr ang, hơnhăk ăn tơdrong hiôk chơ̆t ăn bơngai lui kŏng yăo, kiơ̆ đơ̆ng noh pơjing đon hlôh vao, rim kon pơlei mă đơ̆ng kiơ̆ lui kiơ kŭm athei đei hơnăp jang, vang tơgop vei lăng tơpôl roi ‘năr roi ‘lơ̆ng hơiă, vei lăng hơnih bơ̆n arih sa. Pơyan Nôêl ưh khan lăp hơdrô̆ hăm Hnam khop tơm Huế mă jing pơđĭ lơ̆m tơpôl, tơƀôh jơhngơ̆m đon tơgoăt tơgoăl, drơ̆ng 1 nơ̆r ‘lơ̆ng lơ̆m đon tơchĕng păng bơ̆jang.