Chih akŏm păng pôk bơnê kơ dôm tơdrong đei jơnei mă dêh char An Giang, apŭng Thoại Sơn păng pơlei tơm Long Xuyên hlôi jang đei lơ̆m khei năr âu ki, Phŏ Kơdră teh đak bơ̆n yă Võ Thị Ánh Xuân hơpơi 'meh, lơ̆m khei năr mŭk drăm apŭng plenh teh đei lơ tơdrong hiôk păng tơnap tap hrơ hrâu hadoi, đe kơdră dêh char An Giang pơtoi kơchĕng, iŏk yua tơdrong pran mă po hlôi đei vă hơtŏk jang găh choh pơtăm gơh tenh, đei yua kơjăp xơđơ̆ng, pơm tơlĕch đei kơjă kăp hloh, pơyua ăn kon pơlei đei hơtŏk. Phŏ Kơdră teh đak pơgơ̆r, dêh char An Giang athei drŭt tenh tơdrong axong jang kơ teh đak, vă pơm trong ăn hơtŏk pran, mă kăp gĭt hloh noh jing trong pơih blŭng vă hơtŏk mŭk drăm – tơpôl, hơvơn axong jang. Athei vei xơđơ̆ng pơyua lơ̆m tơpôl, tơdrong erih, tơdrong jang ăn kon pơlei, mă hăt noh dôm grŭp bơngai tơnap tap hloh lơ̆m tơpôl”.