VOV4.Bahnar – Ƀơ̆t 'Năr Đe hơ ioh Apŭng plenh teh (1/6) păng Khei pơm jang Kơyuơ đe hơ ioh 2022, Phŏ Kơdră teh đak Võ Thị Ánh Xuân hlôi truh apong đe hơ ioh oei hơmet jĭ ung thư tơ̆ Hnam pơgang K (anih jang Tân Triều, Hà Nội).  Năm apong, ăn tơmam kơ đe hơ ioh, rim unh hnam đe hơ ioh oei hơmet jĭ tơ̆ Hnam pơgang K Tân Triều, Phŏ Kơdră teh đak Võ Thị Ánh Xuân tơbang tơdrong tơgŭm 'mêm bơnat hăm đe hơ ioh oei hơmet jĭ tơ̆ âu. Ƀơ̆t 'Năr Đe hơ ioh Apŭng plenh teh, Phŏ Kơdră teh đak pơtruh nơ̆r hmach thơ thâu grăng pran hăm dôm bơngai jĭ, mă hăt noh đe hơ ioh, 'meh vă bơngai jĭ nĕ lao đon, adrin hơmet jĭ vă dăh klaih  vih hơkŭm hăm unh hnam. Phŏ Kơdră teh đak chơt hơ iă ƀơ̆t ƀôh tơmam drăm hơmet jĭ tơ̆ hnam pơgang roi năr roi rơgei 'lơ̆ng; atŭm hăm noh hmach bơnê kơ dôm tơdrong adrin kơ 'nôh đơ̆ng đe thây pơgang vă lơ bơngai jĭ ung thư, mă hăt noh đe drăkăn, đe hơ ioh, drăkăn oei hơnăp gơh pơdui đunh tơdrong erih.  

Lan chih păng pơre nơ̆r