Ưh khan lăp 1 ‘nu thây pơ tho tơnăp, plang đĭ jơ hngơ̆m ăn tơdrong jang pơtho pơhrăm, ƀok thây Nguyễn Đức Thìn jĭ bơngai pơgơ̆r lơ tơdrong jang đei jơ hngơ̆m păr ang, lơ̆m noh hơdăh hloh ‘noh jĭ tơdrong jang “ Rơbâu tơdrong ‘lơ̆ng”. Mă đơ̆ng đĭ hloh 80 sơnăm Nhà giáo Nguyễn Đức Thìn oei hưch hanh hăm tơdrong jang, dôm kơsâp hla ar tơroi, pơđơ̆k nơ̆r đơ̆ng ƀok thây hlôi tơƀôh tơdrong hơ iă ăn rim jơhnơr thây kô pơ tho hŏk pơhrăm păng lăng kiơ̆.

Phŏ Kơdră teh đak tơƀôh đon ‘meh vă ƀok thây pơtho Nguyễn Đức Thìn hơnơ̆ng tơgop ăn tơdrong jang pơtho pơhrăm lơ̆m teh đak, hơdai hăm athei anih vei lăng găh pơtho pơhrăm dêh char Bắc Ninh hơnơ̆ng lang să jơhngơ̆m đon ‘lơ̆ng đơ̆ng ƀok thây Nguyễn Đức Thìn vă pơtho khŭl thây kô pơtho ‘lơ̆ng, tơklep hăm tơdrong jang.