Pơma tơ̆ jơ tơƀơ̆p muh măt, Phŏ kơdră teh đak pơma hơdăh, pơnam kơ hŏk păng iŏk yua bơngai hơgei ‘noh jĭ tơdrong joăt joe kăp gĭt kơ hơdrĕch hơdrŭng, đei Kơdră Hồ Chí Minh păng dôm jơhnơr ưh kơ đei pơdơh tưk tơiung. Lơ̆m khei ‘năr khoa hŏk kơmăy kơmŏk, tơplih kơsô̆ păng kơmăy gơh hơgei hơtŏk tơiung pran, kon bơngai păng tơdrong ‘lơ̆ng đơ̆ng bơngai jang ‘noh jĭ tơdrong kăl tơchơ̆t tơdrong jơnei.

Phŏ Kơdră teh đak athei tơdrong jang pơtrŭt hŏk, pơtrŭt gơh hơgei păng pơjing tơpôl hŏk pơhrăm hơnơ̆ng đei hơtŏk, iŏk “Kon pơlei hŏk pơhrăm” pơm tơm, tơiung jơhngơ̆m đon hŏk kơdih lơ̆m đĭ đăng kon pơlei. Dôm kơdră Khŭl pơtrŭt hŏk kăl kơ tơplih ‘nao tơdrong jang, tŭn pran tơplih kơsô̆, tơklep hŏk pơhrăm hơnơ̆ng hăm hơtŏk tơiung bơngai jang, hơdai hăm bơngơ̆t truh bơngai mơmat, tơring hơtăih hơtŏ, tơgop păr ang tơdrong joăt hŏk pơhrăm lơ̆m kon pơlei.