Pơma tơ̆ hop akŏm, Phŏ Kơdră teh đak Võ Thị Ánh Xuân tơtă, dêh char Cà Mau đơ̆ng rŏng kơ tơmât hơdai đei lơ tơdrong ‘lơ̆ng vă jang tŏk, mă lei kŭm oei đei lơ tơdrong pơmat tat nhen: anih jang kơmăy sô̆, trong nơnăm tam mă gan ‘lơ̆ng, tơdrong arih xa kơ kon pơlei mă loi tơ̆ tơring hơtăih yăih oei tam mă kĕ tŏk. Dêh char Cà Mau athei akŏm jơhngâm pran kơdih, jang kiơ̆ trong tơproh jang, tơmât jên jang păng atŏk tơiung mŭk drăm, joh ayŏ kơ dŏ xoang tơpôl, vei lăng ‘lơ̆ng tơdrong sơđơ̆ng teh đak.

Phŏ Kơdră teh đak Võ Thị Ánh Xuân, athei dêh char Cà Mau tơlĕch păng jang kiơ̆ dôm tơdrong pơjei băl ‘mêm teh đak mă lăp, đei yoa ăn tơpôl. Ƀlep ƀât ‘măng mă âu, dêh char Cà Mau đei hơpăh ăn Mê đai bơ̆ jang dơ̆ng mă mônh; 7 ‘nu bơngai đei hơpăh ăn lơ mê đai bơ̆ jang pha ra băl; 9 khul grŭp, lơ bơngai đei hơpăh ăn ƀăng khen đơ̆ng Thủ tướng teh đak; 163 khul grŭp, 419 ‘nu bơngai đei iŏk ƀăng khen đơ̆ng Anih vei lăng kon pơlei dêh char.