Phŏ Thủ tướng Hồ Quốc Dũng bơ̆jang hăm Kơdră chĕp kơ̆l dêh char Gia Lai
Thứ hai, 14:30, 10/11/2025
VOV Tây Nguyên/Thuem tơblơ̆
VOV Tây Nguyên/Thuem tơblơ̆
VOV.Bahnar - Tơ̆ anih bơ̆jang kơ Anih vei lăng kon pơlei dêh char Gia Lai, Phŏ Thủ tướng Hồ Quốc Dũng kŭm hăm khŭl bơ̆jang kơ Khŭl kơdră teh đak hlôi bơ̆jang hăm kơdră chĕp kơ̆l dêh char găh tơdrong jang tơ jră păng hơmet pơ ‘lơ̆ng hiong răm đơ̆ng ‘mi kial hơbŭt kơsô̆ 13.
Roi tơbăt hăm khŭl bơ̆jang, ƀok Nguyễn Tuấn Thanh, Phŏ Kơdră Anih vei lăng kon pơlei dêh char Gia Lai roi tơbăt, ‘mi kial hơbŭt kơsô̆ 13 hlôi pơm ăn hiong răm tôch kơ dêh tơ̆ tơring hăm 2 ‘nu lôch, 8 ‘nu rơka, hiong răm tơmam drăm jô̆ pơhlom dang 5.000 ti hlak jên.
Khŭl kơdră teh đak hlôi tơchơ̆t tơgŭm hăt hot 80 ti hlak jên ăn dôm xăh đei ƀơm ưh kơ ‘lơ̆ng, lơ̆m noh Gia Lai păng Đắk Lắk mĭnh dêh char 30 ti hlak jên. Phŏ Thủ tướng Hồ Quốc Dũng athei, dôm tơdrong mă Gia Lai kăl kơ jang hloi vă hơmet pơ ‘lơ̆ng hiong răm đơ̆ng ‘mi kial hơbŭt kơsô̆ 13, sơđơ̆ng tơdrong hơrih sa kon pơlei.
Viết bình luận