Pơma pơtôch tơdrong hop akŏm, Phŏ Thủ tướng Hồ Quốc Dũng ră hơdah: trong jang tơchăr hơgei jĭ minh lơ̆m dôm trong jang kơtang vă hơtŏk tơ-iung păng vei sơđơ̆ng trong jang dơnơm lơ̆m 3 tơdrong jang kăl: Khua hŏk kŏng ngê̆, tơplih 'nao tơchăr hơgei păng tơplih kơmăi kơsô̆.

Vă hơtŏk tenh tơdrong jang, Phŏ Thủ tướng pơgơ̆r lơ̆m khei 6 ou athei keh đang Tơchơ̆t pơtho pơm kiơ̆ Luơ̆t Kŏng ngê̆ tơchăr hơgei, lơ̆m noh đei dôm tơdrong kăl truh trong jang tơchăr 'nao; atŭm hăm noh chih hơlen, tơlĕch trong jang pơkăp mă hơdah hăm tơmam drăm tơchăr hơgei. Rim hơnih jang athei kơchăng asong bơngai jang vă pơm kiơ̆ tơnăp dôm sơnong jang đei pơjao, hơdrin đei tơmam drăm tơnăp lơ̆m sơnăm 2026.