Tơ̆ dôm hơnih năm truh, Phŏ Thủ tướng Hồ Quốc Dũng hlôi apĭnh jet gia, pơlung kon pơlei đei hiong răm kơtang yua đơ̆ng kial hơbŭt tôch kơ dêh.

Găh tơdrong hơmet pơ ‘lơ̆ng hiong răm đơ̆ng rŏng ‘mi kial hơbŭt, Phŏ Thủ tướng Hồ Quốc Dũng athei dêh char pơgơ̆r tơtĕnh akŏm hơmet ‘lơ̆ng cham char, pơm ming ŭnh điên, đak, trong nơnăm, viễn thông; tơgŭm dôm ŭnh hnam đei hiong răm sơđơ̆ng hơnih oei păng jăh tơiung ming dơ̆ng choh jang sa. Khŭl kơdră teh đak gô hơnơ̆ng krao hơvơn rim kon jên jang tơgŭm dêh char tơ̆ hơnăp kơnh.