Pơma tơ̆ jơ pơm lêh, Phó Thủ tướng Hồ Quốc Dũng athei atŏk tơiung Anih tơchĕng hơlen unh hơyuh nguyên tử Việt Nam jing khul jang tơm lơ̆m tơdrong tơchĕng hơlen khoa hŏk, atŏk tơiung kơmăy kơmŏk, tơgŭm găh ki thuơ̆t păng pơtho pơhrăm găh unh hơyuh hat nhân.

Phó Thủ tướng pơma hơdăh Đảng, Teh đak chih hơdăh unh hơyuh hat nhân đei hơnăp jang tôch gĭt kăl vă vei lanwg sơđơ̆ng ‘lơ̆ng unh hơyuh păng bơ̆ jang đei đon pơhnŏng găn pơđĭ tơdrong tơlĕch kơchơ̆t ‘mê̆ ‘mach lơ̆m sơnăm 2050. Khul kơdră teh đak oei hăt tơlĕch tơdrong jang man Hnam kơmăy unh điên hat nhân Ninh Thuận 1 păng tơchĕng hơlen khoa hŏk, kơmăy kơmŏk hat nhân tơ̆ Đồng Nai. ‘Nâu jĭ dôm tơdrong jang gĭt kăl kơ teh đak, athei dôm anih jang đei ƀơm truh, lơ̆m noh đei Anih tơchĕng hơlen unh hơyuh nguyên tử Việt Nam, akŏm jơhngâm jên, tơmam, khul jang păng tơlĕch jang kiơ̆.