VOV4.Bahnar – Pơgê năr 1/8, Pho\ Thủ tướng juăt jang Phạm Bình Minh pơgơ\r tơdrong hop ako\m Khul jang kơso# 1 đơ\ng Thủ tướng teh đak, pơgơ\r axong jên ming man ko\ng tơ\ 7 anih jang tơm, anih jang Trung ương păng 4 tơring.

Kiơ\ tơroi đơ\ng Anih tơm Axong jang, Thủ tướng teh đak pơjao kơso# jên mong Teh đak hloh 24.000 tih ăn 7 anih jang tơm, anih jang Trung ương păng 4 tơring, mă lei truh dang ei tơdrong axong jên jang pơtơm đei jơnei pơhlom 15% pơkăp jang. Xơkơ\t tơdrong hop ako\m, Pho\ Thủ tướng Phạm Bình Minh ră hơdăh, tơdrong phara lơ\m pơkăp axong jên jang oei lơ\m tơdrong tơchơ\t jang kơ rim anih jang, rim tơring. Hăm tơdrong mă ưh ke\ axong jên ming man, rim anih jang tơm, rim tơring athei tenh kuăng hơlen, tơchơ\t jên jang ăn dôm anih jang, tơring nai to\k bo\k oei kăl jên pơm jang. Kăl đei tơdrong jo# hơlen tôm tong, hơmet anih ming man adrol, athei jang atu\m hăm dôm anih jang tơm, anih jang Trung ương vă dăh hrôih đei anih ming man kiơ\ tơchơ\t jang.

Lan chih păng pơre nơ\r