VOV4.Bahnar - Phó Thủ tướng Lê Minh Khái (Kơ dră vei lăng Grŭp jang kơ sô̆ 2 kơ Thủ tướng tĕh đak găh hơ tŏk hrĕnh tơ drong tơ lĕch jên jang kơ tĕh đak) ‘nao pơ gơ̆r hop akŏm athei jăh hơ met pơ ‘lơ̆ng mơ mat tat, tơ hlăk tăk, hơ tŏk hrĕnh tơ drong tơ lĕch jên jang kơ tĕh đak sơ năm 2022 hăm 8 anih tơm, anih jang kơ Trung ương, 4 tơ ring.

Kiơ̆ Anih tơm tơ lĕch nơ̆r sơ kơ̆t tơ mât jên jang, akŏm đĭ đăng trong tơ mât jên jang kơ tĕh đak sơ năm 2022 Thủ tướng tĕh đak pơ jao ăn 8 anih tơm, anih jang kơ pal păng 4 tơ ring (găh Grŭp jang kơ sô̆ 2) ‘nŏh 24.700 ti. Truh đĭ khei 7, pơ hlom năng jên tơ lĕch jang đơ̆ng 12 anih ‘nŏh vă jê̆ 7.400 ti, iŏk đei dang 30%. 

Kiơ̆ Phó Thủ tướng Lê Minh Khái, tơ lĕch jên jang hiơ̆ ‘nŏh yoa lơ tơ drong, mă lei tơ lĕch jang tôch hiơ̆ ‘nŏh yoa đon ưh kơ chăng đơ̆ng kơ dih. Athei dôm Anih tơm, tơ ring tơ rang hơ tŏk hrĕnh tơ drong tơ lĕch jên. Phó Thủ tướng athei kơ dră chĕp kơ̆l dôm anih tơm, anih jang, tơ ring tơ rang tơ rĕk pơ gơ̆r jang mă pran, hơ met pơ ‘lơ̆ng dôm tơ drong mơ mat tat, tơ hlăk tăk, hơ tŏk tơ drong bơ̆ jang păng athei jang mă tơ pă.

Dơ̆ng: Tơ blơ̆