VOV4.Bahnar - Kơ sơ̆ 28/7, tơ̆ anih jang kơ Khul kơ dră tĕh đak, Phó Thủ tướng Lê Minh Khái pơ gơ̆r hop akŏm ‘măng mă 1 Anih pơ gơ̆r tơ lĕch tơ drong jang atŏk, tơ iung ming mŭk drăm tơ pôl. Kiơ̆ nơ̆r tơ roi đơ̆ng Anih tơm tơ lĕch nơ̆r sơ kơ̆t tơ mât jên jang, đơ̆ng rŏng hlŏh 6 khei tơ lĕch tơ drong Tơ chơ̆t 11 đơ̆ng Khul kơ dră tĕh đak, dôm anih jang hlôi jang đei lơ tơ drong jang, pơm lăp hăm dôm tơ drong hơ găt đei tơ lĕch. Tơ drong tơ lĕch jên jang, chih jô, dôm tơ drong tơ gŭm lơ̆m tơ drong jang hlôi đei tơ lĕch dang 48 rơ bâu tih hlak jên.

Pơ ma hơ dăh tơ drong tơ gŭm lơ̆m tơ drong jang atŏk tơ iung ming mŭk drăm tơ pôl tŏk bŏk đei bơ̆ jang tôch ‘lơ̆ng, 1,2 tơ drong tơ gŭm đei tơ lĕch jên jang lơ, hrĕnh, 1,2 tơ drong tơ gŭm hlôi ƀôh iŏk đei lơ tơ drong ‘lơ̆ng. Mă lei oei đei 1 nơ̆r pơ ma ƀơm truh tơ drong chih tơ lĕch hla ar pơ tho jang oei hiơ̆ ƀiơ̆ pơ têng hăm tơ drong Tơ chơ̆t 11/NQ-CP tơ lĕch. Athei, tơ̆ hơ năp kơnh jăh roi tơ ƀôh, hơ tŏk hrĕnh tơ drong jang, athei kơ chăng, jăh sek tơ lang dôm tơ drong mơ mat tat, tơ hlăk tăk, vă tơ drong jang gơ̆h đei yoa ‘lơ̆ng…

Dơ̆ng: Tơ blơ̆