Pơtôch ‘măng hop akŏm, Phŏ Thủ tướng Lê Tiến Châu pơma hơdăh hơmet ăn sơnăm hŏk ‘nao ‘noh jĭ hơnăp jang gĭt kăl kơ pơđĭ khŭl jang chĭnh trĭ. Pơma hơdăh tơdrong jang iŏk bơngai jang ‘noh jĭ tơdrong jang mơmat hloh, Phŏ Thủ tướng chih iŏk nơ̆r apĭnh tơmơ̆t dơ̆ng 127.000 biên chế vă roi tơbăt ăn Thủ tướng Teh đak.

Ƀơ̆t măt, Anih tơm vei lăng găh pơtho pơhrăm athei jang hơdai hăm Anih tơm Nội vụ dăr hơlen mă trŏ tơdrong rơkăh - ưh kơ măh kiơ̆ rim môn, rim hnam trưng; hơdai hăm tơchĕng hơlen trong jang iok hơdrol biên chế, ưh kơ gơh lê̆ đei ƀôh tơdrong ưh kơ măh thây kô pơtho. Hăm ‘Măng pơlong hok đĭ lăm 12 sơnăm 2026, Phŏ Thủ tướng tơtă kơ rim tơring ưh kơ gơh pơm pơ hơi, athei pơjing trong jang hơdăh ‘lơ̆ng tơjră hăm tŏ ‘mi kial pơrăm păng tơplih kơsô̆ hŏk tro.