VOV.Bahnar - Tơ̆ Anih bơ̆ jang kơ Khŭl kơ dră teh đak, Phŏ Thủ tướng Lê Văn Thành pơ gơ̆r ‘măng hop akŏm trực tuyến Anih pơ gơ̆r jang kơ Khŭl kơ dră teh đak tơ lĕch jang kiơ̆ tơ drong jang ming man trong gre kơ dâu hrĕnh Bắc-Nam găh hơ lĕch. Pơ tôch tơ̆ ‘măng hop akŏm, Phŏ Thủ tướng Lê Văn Thành tơ roi rơ đăh: Tơ drong tơ chơ̆t Hop akŏm 13 tơ lĕch ăn tơ drong hơ găt hơ drin đơ̆ng dang ei truh sơ năm 2025 athei jang đang 2000 km trong gre kơ dâu hrĕnh. Vă jang kiơ̆ tơ drong hơ găt âu, Kuôk hô̆i hlôi tơ lĕch ăn Tơ drong tơ chơ̆t hăm trong jang tơ gŭm hơ drô̆, pơm tơ drong hiôk hloh vă tơ lĕch jang hrĕnh.

Phŏ Thủ tướng pơ ma hơ dăh truh sơ năm 2025 jang đang tơ drong hơ găt ming man dơ̆ng 2000km trong gre kơ dâu hrĕnh kiơ̆ trong tơ lĕch jang. Phŏ Thủ tướng athei Anih tơm vei lăng trong nơ năm, gre kơ dâu tơ tĕnh tơ lĕch jang pơm hla ar vă rơ̆ih iŏk bơ ngai iŏk jang, pơ gơ̆r jang pơ đĭ 729km hơ drol kơ ‘năr 31/12; tơ tĕnh tơ lĕch jang tơ chơ̆t pơ jao ăn rim tơ ring ‘noh jĭ tơ ‘ngla tơ mơ̆t jên jang iŏk teh, klăih song tơ tom jên vă vei sơ đơ̆ng truh ‘năr 31/12 chưk pơ ‘ngoăih 70% teh tơ hnă.

Thuem: Tơ blơ̆