VOV4.Bahnar - Phó Thủ tướng Lê Văn Thành ‘nao pơ gơ̆r hop akŏm hăm 15 dêh char, plt ‘mĕh hơ met pơ ‘lơ̆ng, pơih xă, man ‘nao cham gre păr. Pơ ma pơ tôch hop akŏm, Phó Thủ tướng Lê Văn Thành pơ ma hơ dăh, tơ mât jên man cham gre păr gô pơ jing đei jơ hngâm pran ‘nao vă atŏk tơ iung mŭk drăm, tơ pôl tơ̆ tơ ring păng lơ̆m tĕh đak.

Phó Thủ tướng Lê Văn Thành pơ gơ̆r hop akŏm

Kiơ̆ Phó Thủ tướng, khei ‘năr âu ki, Khul kơ dră tĕh đak hlôi klăih song hơ năp jang, tơ drong jang ăn dôm tơ ring vă gơ̆h kơ chăng ƀiơ̆ lơ̆m tơ drong tơ mât jên man cham gre păr păng blŭng a hlôi iŏk đei lơ tơ drong jơ nei gĭt kăl. Mă lei, dôm hla ar tơ mât jên jang pơm oei hơ drom băl, oei lơ. 1,2 anih tơm, anih jang kơ pal, tơ ring tơ rang tam mă kơ chăng tơ pă. Phó Thủ tướng pơ jao ăn Anih tơm vei lăng trong nơ năm jang hơ doi hăm 15 dêh char, plt ‘mĕh pơm hơ met, pơih xă, tơ mât jên man cham gre păr hơ len năng, chĕng hơ met tĕh, bơ̆ jang kơ jăp ‘lơ̆ng trŏ hăm tơ drong hơ găt đơ̆ng khôi luơ̆t.

Dơ̆ng: Tơ blơ̆