VOV4.Bahnar - Kơ sơ̆ ‘năr 18/10, Phŏ Thủ tướng Lê Văn Thành hlôi năm hơ len lăng tơ drong jang hơ met pơ ‘lơ̆ng hiong răm yua đơ̆ng ‘mi đak tih tơ̆ dêh char Quảng Trị.  Phŏ Thủ tướng hlôi năm hơ len lăng, pơ gơ̆r tơ drong jang hơ met pơ ‘lơ̆ng teh tơ drŭt kơ tang đei ƀôh tơ̆ Trong gre 15D năm tơ̆ ‘Măng jang sơ lam apŭng plĕnh teh La Lay, trong năm klĕch xăh A Ngo, apŭng Đakrông. Phŏ Thủ tướng Lê Văn Thành hlôi athei dêh char Quảng Trị păng rim anih jang ƀơm truh jăh hơ met pơ ‘lơ̆ng, tơ tĕnh tơ lĕch jang pơm trong năm pơ gia, jăh ăn gre kơ dâu tơ̆ trong gre tơm năm tơ̆ ‘măng jang sơ lam Apŭng plĕnh teh La Lay.

Trong hơ đăh đei ƀôh tơ̆ Trong gre 15D năm tơ̆ ‘Măng jang sơ lam Apŭng plĕnh teh La Lay

Phŏ Thủ tướng kŭm tơ roi rơ đăh, ‘nâu jĭ trong năm tơ̆ ‘Măng jang sơ lam Apŭng plĕnh teh La Lay, gre tih kơ dâu vih vơ̆t, yua thoi noh tơ drong pơm trong năm pơ gia dăh mă pơm hơ met trong tơm kŭm athei vei sơ đơ̆ng ‘lơ̆ng. Mưh hlôi ăn gre kơ dâu hơ lơ̆k dơ̆ng ‘noh athei vei sơ đơ̆ng ‘lơ̆ng, mă đơ̆ng trong nơ năm pơ gia kŭm ưh kơ gơh hăt hot, ưh kơ gơh yua vă kơ gre jăh kơ dâu mă pơm ming trong ưh kơ sơ đơ̆ng hơ nhăk truh dôm tơ drong đei ƀôh ưh kơ ‘lơ̆ng.

VOV/Thuem tơblơ̆