VOV4.Bahnar - ‘Năr 26/4, tơ̆ Anih jang kơ Khul kơ dră tĕh đak, Phó Thủ tướng Lê Văn Thành pơ gơ̆r hop akŏm Khul hơ len năng tơ drong tơ prŏh trong jang atŏk unh điên tĕh đak đơ̆ng 2021-2030, trong jang truh sơ năm 2045 (oei krao ‘nŏh Tơ prŏh Trong jang unh điên VIII). Dôm nơ̆r pơ ma lơ̆m hop akŏm, tơ ƀôh hơ dăh tơ drong drơ̆ng nơ̆r hăm dôm tơ drong hơ găt đơ̆ng Tơ prŏh trong jang unh điên VIII, mă loi jĭ găh Anih pơ truh unh điên, trong jang tơ plih unh hơ yuh păng pơ truh unh điên tơ̆ jơ̆p tơ ring.

Pơ ma pơ tôch hop akŏm, Phó Thủ tướng Lê Văn Thành akhan, Tơ drong tơ proh trong jang đei đon tơ plih ‘nao, trong jang hơ iă, tơ ƀôh hơ dăh tơ drong Tơ proh trong jang năng tơ dỏng đei yoa atŭm kăl hlŏh, tơ dăh ‘mơ ‘met dôm jĭt ti USD lơ̆m tơ drong tơ jur jên chô̆ tơ lei, tơ jur jên pơ truh điên ‘nŏh gô tơ gŭm pơm ăn kơ jă unh điên jur ƀiơ̆. Hăm lơ kơ phĭu tơ gŭm, Khul hơ len năng hlôi drơ̆ng nơ̆r ăn tơ drong tơ prŏh trong jang atŏk unh điên tĕh đak đơ̆ng 2021-2030, trong jang truh sơ năm 2045.

Dơ̆ng: Tơ blơ̆