Lêh tơlĕch jang đei pơgơ̆r tơ̆ plei Lâm Tuyền 2, xăh D’ran, mĭnh lơ̆m lơ tơring hiong răm dêh hloh lơ̆m ‘măng ‘mi tih đak lơ̆p khei 10 păng khei 11 âu ki. Tơ̆ jơ pơm lêh Phŏ Thủ tướng Mai Văn Chính kŭm hăm kơdră chĕp kơ̆l 1,2 anih tơm, anih jang kơpal, anih jang Trung ương păng dêh char Lâm Đồng bơ̆jang kiơ̆ tơdrong joăt tơlĕch jang man hnam ‘nao păng pơjao kơƀang pơtrŏ “Man asong ŭnh hnam đei hnam păk pơchăh, hơlih pơđĭ yua đơ̆ng ‘mi kial đak lơ̆p” truh 4 ŭnh hnam kon pơlei kơ xăh D’ran.

Hơdai hăm ‘noh Phŏ Thủ tướng Mai Văn Chính pơjao asong 10 tơpu tơmam ăn dôm ŭnh hnam kon pơlei đei hiong răm dêh hloh yua đơ̆ng ‘mi tih đak lơ̆p, pơlung kon pơlei yak hloh mơmat tat jăh sơđơ̆ng tơdrong hơrih sa, tơiung ming jang sa.