Phŏ Thủ tướng chih iŏk, lăng ‘lơ̆ng tơdrong hơdrin păng dôm jơnei gĭt kăl mă Đảng bộ, khŭl kơdră păng kon pơlei dôm hơdrĕch hơdrŭng dêh char Lâm Đồng; pơlei tơm Đà Lạt hlôi iŏk đei lơ̆m dôm sơnăm âu ki.

Hơdai hăm, tơ rĕk truh tơ̆ hơnăp kơnh, dêh char kăl hơnơ̆ng bơngơ̆t truh tơdrong jang vei lăng cham char, lăng kăl truh kơmăy kơmŏk pơm tơlĕch, tơdrong jang rơih pơm, răt tơmơ̆t dôm hơdrĕch pơkao gĭt, kơjă măk, lăp hăm ‘meh vă tĕch mơdro vă hơtok ‘lơ̆ng jơhngơ̆m pơjei băl păng hơtŏk tơiung tơdrong jang pơkao kơjăp; pơtrŭt dôm tơdrong jang hơdai đơ̆ng anih mơdro sa păng bơngai pơm tơlĕch, vei lăng păng hơtŏk tơiung hơnăn vă mơ̆t hơdai hăm anih tĕch mơdro apŭng plĕnh teh.

Festival pơkao Đà Lạt ‘măng mă 10 sơnăm 2024 pơdui đunh truh đĭ ‘năr 31/12, pơkă hăm lơ tơdrong jang hơiă vă tơmoi păng kon pơlei lơ̆m tơring đei lơ jơ năr chă năm lăng.