VOV4.Bahnar - Pơ gê ‘năr 20/01, Phŏ Thủ tướng teh đak Phạm Bình Minh hlôi hơ len lăng tơ drong jang vei sơ đơ̆ng gre păr păng tơ drong jang tang găn jĭ Covid-19 tơ̆ Anih jang Cham gre păr apŭng plĕnh teh Nội Bài.  Vă vei sơ đơ̆ng păng vei lăng ‘lơ̆ng jĭ Covid 19 lơ̆m gre păr, pơ yua ăn kon pơ lei chơt hơ iă sơng Têt Dương lịch, Têt Nguyên đán, Lêh pơ yan puih mak păng lơ̆m pơ đĭ sơ năm 2022, Phŏ Thủ thướng Phạm Bình Minh athei Anih tơm vei lăng trong nơ năm, gre kơ dâu tơ tĕnh bơ̆ jang hăm rim kơ dră kơ pal vei lăng gre păr rim teh đak vă drơ̆ng nơ̆r hơ tŏk ‘măng păr apŭng plĕnh teh, pơm lăp hăm ‘meh vă đơ̆ng kon pơ lei vih tơ̆ teh đak năm ngôi tơ̆ ŭnh hnam păng sơng Têt nguyên đán.

Phŏ Thủ tướng Phạm Bình Minh bơ̆ jan hăm Anih jang cham gre păr Apŭng plĕnh teh Nội Bài

Phŏ Thủ tướng Phạm Bình Minh athei Kŏng ti tơm Anih jang cham gre păr Việt Nam, rim anih jang gre păr jang kiơ̆ tơ păt dôm tơ drong hơ găt găh vei sơ đơ̆ng păng tang găn jĭ Covid 19.

Thuem: Tơ blơ̆