VOV4.Bahnar - Kơ sơ̆ 23/8, tơ̆ anih jang kơ Khul kơ dră tĕh đak, Khul set hơ len asong brŏk hrôih đơ̆ng hnam phak pơ gơ̆r hôp hơ len năng hơ năn vă athei Kơ dră tĕh đak kĭ asong brŏk hrôih đơ̆ng hnam phak hăm dôm bơ ngai đei tôm tơ drong kăl gơ̆h asong lĕch brŏk đơ̆ng hnam phak ƀât ‘năr 2/9/2022.

Kơ dră jang lơ̆m Anih tơm Chinh trĭ, Phó Thủ tướng Phạm Bình Minh, Kơ dră vei lăng Khul set hơ len asong ăn bơ ngai pơ nă lĕch brŏk hrôih sơ năm 2022 pơ gơ̆r hop akŏm. Vă tơ drong set hơ len hơ năn pơ nă gơ̆h trŏ ƀlep, lăp ‘lơ̆ng, rơ đăh rơ đong, Khul athei hơ len năng rim tơ drong đơ̆ng rim bơ ngai vă ăn brŏk hrôih đơ̆ng hnam phak trŏ hăm tơ drong hơ găt đơ̆ng Luơ̆t ăn brŏk hrôih đơ̆ng Hnam phak. 

Pơ ma lơ̆m jơ hôp, Phó Thủ tướng Phạm Bình Minh ăn tơ băt, ăn ƀrŏk hrôih đơ̆ng hnam phak ‘nŏh jĭ trong jang ƀĕnh jơ hngâm đon ‘mêm mơ nat đơ̆ng Đảng, tĕh đak; athei rim anih jang tơ rĕk truh tơ drong mât oei xa hơ dai dơ̆ng hăm tơ pôl ăn dôm bơ ngai đei asong brŏk hrôih đơ̆ng hnam phak. Atŭm hăm ‘nŏh, hơ tŏk tơ drong tơ roi tơ băt, vang tơ gŭm ăn bơ ngai đei asong brŏk hrôih gơ̆h hŭt lê̆ tơ drong hrơ mơ lou yoa đơ̆ng bơh ƀơm pơm glăi.

Dơ̆ng: Tơ blơ̆