VOV4.Bahnar - Kơ sơ̆ ‘năr 20/1, Phŏ Thủ tướng teh đak Phạm Bình Minh, Kơ dră Anih vei lăng sơ đơ̆ng trong nơ năm teh đak hlôi năm tơ mang păng bơ̆ jang hăm Anih jang Kanh sat vei lăng trong nơ năm, Anih tơm vei lăng Kŏng an. Sơ năm âu ki, lơ̆m khei ‘năr đei lơ mơ mat tat, long nol, mă lei khŭl linh kanh sat vei lăng trong nơ năm hlôi jang đang ‘lơ̆ng dôm tơ drong hơ găt, tơ lĕch ăn. Tơ drong gre tơ̆m preh băl lơ̆m sơ năm âu ki jur pơ đĭ 3 tơ drong hơ găt găh kơ sô̆ ‘măng, kơ sô̆ bơ ngai lôch păng kơ sô̆ bơ ngai đei rơ ka pơ têng hăm sơ năm 2020. Lơ̆m sơ năm khŭl linh Kanh sat vei lăng trong nơ năm lơ̆m teh đak hlôi pơm hla ar phak 2,9 triệu ‘nu bơ ngai pơm glăi tơ̆ trong nơ năm, phak jên vă jê̆ 3 rơ bâu ti hlak jên. Pơ ma tơ̆ jơ bơ̆ jang, Phŏ Thủ tướng Phạm Bình Minh tơ tă lơ̆m năr têt nguyên đán vă jê̆ truh, khŭl linh Kanh sat vei lăng trong nơ năm kăl kơ hơ met ăn bơ ngai jang năm dăr joang vei lăng, sek phak dôm bơ ngai pơm glăi trong nơ năm.

Thuem: Tơ blơ̆