Grŭp jang LEGO gô tơ mơ̆t jên jang, man hnam kơ măy să 44hek tar tơ̆ anih jang kơ măy kơ mŏk VSIP III, hăm akŏp jên tơ mơ̆t jang 1,3 ti đô la Mi. ‘Nâu jĭ hnam kơ măy mă 6 tơ̆ jơ̆p lơ̆m apŭng plĕnh teh păng mă 2 tơ̆ châu Á đơ̆ng Grŭp jang LEGO. Tơ̆ Việt Nam ‘nâu jĭ tơdrong jang tơ mơ̆t jên jang tih hloh đơ̆ng anih tơ mơ̆t jên jang Đan Mạch. Tơchĕng hơdrol, hnam kơ măy đơ̆ng Grŭp jang LEGO gô bơ̆ jang lơ̆m sơnăm 2024 păng gô pơm tơdrong jang ăn kơ dang 4.000 ‘nu bơngai jang.

‘Nâu kŭm jing hnam kơ măy mă blŭng lơ̆m Anih jang kơ măy kơ mŏk VSIP III tơ̆ Bình Dương. Tang măt Grŭp jang LEGO tơbăt, ‘nâu jĭ hnam kơ măy mă blŭng kơ Grŭp jang LEGO đei hơ tŏk tơ iung kiơ̆ trong rơ goh, kơ jăp păng ‘lơ̆ng hăm cham char hăm tơ drong hơ găt hơ yuh tơ lĕch kơ chơ̆t ‘mê̆ Carbon.