Kơsơ̆ ‘năr 4/6, Phó Thủ tướng Phạm Gia Túc vang akŏm păng đei ƀai iung pơma tơ̆ jơ pơih blŭng Hop akŏm. Hăm hơnăn “Pơma nuh tơpăt – Trong năm truh ning mônh kơnh”, Hop akŏm đei 150 vât pơma nuh kiơ̆ tơdrong jang, akŏm găh dôm tơdrong tih nhen mŭk drăm lơ̆m plei teh đơ̆ng tơjră băl păng jang hơdoi; hơmet ming trong jang mŭk drăm kơ teh đak Nga vă druh kiơ̆ trong jang tŏk pran; dôm kơmăy kơmŏk tơƀôh trong jang ning mônh kơnh; tơpôl lơ̆m chăl jang hăm kơmăy kơmŏk ‘nao; tơdrong ‘lơ̆ng păng dôm trong jang tŏk ‘nao.

Pơma ƀât blŭng hop akŏm, Phó Thủ tướng Phạm Gia Túc tơchĕng ‘lơ̆ng dôm ‘măng pơgơ̆r pơma nuh tơpăt ‘lơ̆ng găh dôm tơdrong gĭt kăl nhen tơplih ming trong jang tŏk, tơplih hăm kơmăy sô̆, kơmăy kơmŏk rơgei, vei sơđơ̆ng mŭk drăm, hơnăp jang đơ̆ng dôm teh đak ‘nao vă tŏk pơdrŏng păng jang tŏk rim tơdrong.