Pơma tơ̆ hop akŏm, Phó Thủ tướng Phạm Gia Túc pơma hơdăh, Sơnăm APEC 2027 đei kơdră chĕp kơ̆l Đảng, Teh đak păng Khul kơdră teh đak năng jĭ tơdrong ‘lơ̆ng gĭt kăl vă tơlĕch jang đei yoa ‘lơ̆ng lơ̆m trong jang tơbôl đơ̆ng Hop akŏm mă 14 kơ Đảng, vă pơm hơtŏk anih dơ̆ng, bưng ai, đon lui lơ̆m apŭng plenh teh kơ teh đak, pơjing jơhngâm pran ‘nao ăn tơdrong jang tŏk mŭk drăm - tơpôl, mă loi hăm Phú Quốc, dêh char An Giang păng tơring teh tơmăn đak krong Cửu Long.

Găh tơdrong hơmet ăn Hop akŏm tih APEC 2027, Phó Thủ tướng pơma hơdăh, ‘nâu jĭ tơdrong jang tôch gĭt kăl păng akhan, đon pơhnŏng dêh hlŏh jĭ khŏm pơgơ̆r đang ‘lơ̆ng 1 sơnăm APEC ƀĕnh tơdrong ‘lơ̆ng hơiă đơ̆ng Việt Nam, vang tơgop ‘lơ̆ng ăn tơdrong rơngei, jang hơdoi păng atŏk tơiung tơ̆ tơring châu Á - Thái Bình Dương păng lơ̆m apŭng plenh teh.