Đơ̆ng rŏng kơ hơlen lăng hơnih pơgơ̆r jơ pơm lêh, trong jang sơng iŏk bơngai tang măt, vei sơđơ̆ng, jang pơgang păng dôm tơdrong hiôk pơyua ăn lơ̆m kơplăh tơchă, iŏk akŏm kơting linh lôch tang ăn teh đak, Phŏ Thủ tướng Phạm Thị Thanh Trà athei dôm anih jang ƀơm truh hơnơ̆ng dăr hơlen rim tơdrong jang. Kiơ̆ kơ Phŏ Thủ tướng Phạm Thị Thanh Trà, tơdrong chă ƀôh hơnih pơsat kơjung dang 25 m, să dang 3 m; yak blŭng chă ƀôh 5 kơting linh lôch tang ăn teh đak kŭm hăm che ƀô̆ đô̆i păng kơ kơting bŭk tơ̆ hơnih A kơ Cham să Lê Thị Riêng ‘noh jĭ iŏk yua gĭt kăl, mă lei ‘nao jing yak pơih blŭng đĕch.

Đơ̆ng iŏk yua blŭng a, Phŏ Thủ tướng Phạm Thị Thanh Trà hơmĕng gô pơm tơdrong ‘lơ̆ng păr ang pran kơtang lơ̆m tơring, păr ang tơdrong ‘lơ̆ng ‘mêm băl gĭt kăl đơ̆ng hơnăp jang tơchă, iŏk akŏm kơting linh lôch tang ăn teh đak; sơng đei tơdrong vang tơgŭm đơ̆ng rim kơdră, rim anih jang, rim bơngai jang khoa hŏk, lĭnh so, bơngai ƀôh băt kơnăl păng kon pơlei lơ̆m teh đak lơ̆m tơdrong jang tơchă, sir iŏk akŏm kơting linh lôch tang ăn teh đak.