Kiơ̆ kơtơ̆ng ang chih akŏm, lơ̆m dêh char Lâm Đồng đei 134 tơdrong jang oei tơnap tap, tơhlăk tơhlĭn hăm hloh 13.489 ha teh, kơsô̆ jên asong jang hloh 116 rơbou tih hlj. Truh dang ei, mă kăl, dêh char Lâm Đồng hlôi jang kơjăp kiơ̆ dôm tơchơ̆t tơlĕch đơ̆ng Thủ tướng teh đak.

Sơkơ̆t pơtôch hop akŏm,  Phŏ Thủ tướng teh đak bơ̆n Nguyễn Hòa Bình hmach bơnê kơ tơdrong vang jang đơ̆ng dêh char Lâm Đồng lơ̆m pơklaih tơhlăk tơhlĭn ăn dôm tơdrong jang oei tơnap tap, tơhlăk tơhlĭn; ră hơdah Lâm Đồng kăl pơtoi jang kơjăp đei jơnei hăm rim hơnih jang tơm lơ̆m chă pơkăp, hơlen pơklaih tơhlăk tơhlĭn ăn dôm tơdrong jang oei tơnap tap, tơhlăk tơhlĭn, pơdui đunh khei năr. Phŏ Thủ tướng Nguyễn Hòa Bình adoi pơtruh nơ̆r pơgơ̆r hơdah gah sek tơlang dôm tơdrong pơm yoch glăi; trong tơchơ̆t tơlĕch jang, sơnong jang lơ̆m pơklaih tơhlăk tơhlĭn ăn dôm tơdrong jang đei lăng tơnap tap, tơhlăk tăk đunh khei năr kơ dêh char Lâm Đồng tŏk bŏk oei kăl akŏm sek tơlang pơklaih.