Tơ̆ Kơ đông lĭnh vei lăng tơring sơlam Phước Diêm, Phŏ Thủ tướng gơih nơ̆r hmach chơt hơiă hloh truh đe kang ƀô̆, khŭl linh tŏk bŏk bơ̆ jang. Phŏ Thủ tướng Trần Lưu Quang athei kang ƀô̆, khŭl linh hơnơ̆ng hơdrin, hơtŏk hloh dơ̆ng dôm jơnei iŏk đei; hơnơ̆ng “ Hơdai hăm kon pơlei, tơ jê̆ kon pơlei, hơdai hăm tơring”, vei lăng kơjăp tơdrong pơm tơm hơgăt teh, sơđơ̆ng tơring sơlam đak dơsĭ.

Năm ngôi tơ̆ Mĕ Việt Nam nuih mơng Lê Thị Hự, oei tơ̆ xăh Cà Ná, apŭng Thuận Nam, Phŏ Thủ tướng apĭnh jet gia jơhngơ̆m jăn păng tơdrong arih sa rim năr đơ̆ng Mĕ, ‘meh Mĕ ling lang pran jăng grăng hơkâu, hơdai hăm kon sâu sơng Têt sơđơ̆ng hiôk, ngôi hơdai. Đang kơ ‘noh, Phŏ  Thủ tướng hlôi năm ngôi, asong tơmam Têt ăn 200 ‘nu kŏng nhân, bơngai jang đei tơdrong arih sa mơmat tat tơ̆ Kŏng ti cổ phần Cánh Đồng Việt, pơlei tơm Phan Rang.