VOV4.Bahnar - Pơ gê ‘năr 21/1, Phŏ Thủ tướng Vũ Đức Đam kŭm hăm khŭl bơ̆ jang hlôi năm ngôi, pơ lung păng pơ jao tơ mam ăn đoàn viên, bơ ngai jang đei tơ drong arih sa mơ mat tat, bơ ngai đei jĭ hơ met ưh kơ klăih, bơ ngai lơ sơ năm ưh kơ đei rơ vơn vih tơ̆ pơ lei sa Têt, bơ ngai đei ƀơm ưh kơ ‘lơ̆ng đơ̆ng jĭ hơ buh Covid-19 tơ̆ dêh char Thừa Thiên Huế ƀlep ƀơ̆t Têt Nguyên đán Nhâm Dần. Phŏ Thủ tướng Vũ Đức Đam păng tang măt kơ dră chĕp kơ̆l Tổng Liên Đoàn Lao động Việt Nam hlôi pơ jao 200 tơ pu tơ mam, 1 tơ pu đei kơ jă 1.250.000 hlak jên, ‘noh 1 tơ pu tơ mam đei kơ jă 250.000 hlak jên păng 1 triệu jên măt. Kŭm lơ̆m pơ gê ‘năr 21/1, Phŏ Thủ tướng Vũ Đức Đam hlôi năm ngôi tơ̆ dôm bơ ngai jĭ tŏk bŏk hơ met tơ̆ Hnam pơ gang hơ met jĭ hiĕn hiang tơ soh dêh char Thừa Thiên Huế tơ̆ phường Hương Sơ, pơ lei tơm Huế. Tơ̆ âu, Phŏ Thủ tướng hlôi hmach têt păng vang tơ gŭm dôm tơ drong mơ mat tat lơ̆m khei ‘năr âu ki hăm khŭl jang y ƀak si păng bơ ngai jĭ; hơ dai hăm ‘noh ‘meh vă đe y ƀak si hơ nơ̆ng hơ drin lơ̆m tơ drong jang hơ met jĭ.

Thuem: Tơ blơ̆