VOV4.Bahnar - Pơ gê ‘năr 7/4, Phŏ Thủ tướng Teh đak Vũ Đức Đam truh tơ mang păng bơ̆ jang tơ̆ dêh char Vĩnh Long găh tơ drong jang Pơ tho pơ hrăm păng joh ayŏ, tơ plŏng kơ dâu - tơ mang lăng. Anih vei lăng kon pơ lei dêh char Vĩnh Long hlôi roi tơ băt hăm Phŏ Thủ tướng pơ tôch jang kiơ̆ dôm hơ năp jang tơm lơ̆m tơ drong jang Joh ayŏ, tơ plŏng kơ dâu - tơ mang lăng păng pơ tho pơ hrăm jăl jang dang ei. Lơ̆m noh pơ ma hơ dăh, mă đơ̆ng oei lơ mơ mat tat, mă lei dêh char ling lang bơ ngơ̆t truh hơ tŏk tơ iung mŭk drăm kơ dêh char păng lơ̆m tơ ring. Phŏ Thủ tướng ‘meh vă Vĩnh Long hơ nơ̆ng đei dôm trong jang hơ tŏk loi dơ̆ng vei lăng drơ̆ng 1 nơ̆r găh pơ tho pơ hrăm tơ̆ tơ ring ‘noh đei thây kô pơ tho, hŏk tro, tơ mam jang, hnam trưng hŏk. Hơ met ‘lơ̆ng tơ drong ƀiên chê̆ thây kô pơ tho, đei jên mong tơ gŭm ăn hŏk tro đei tơ drong arih sa mơ mat tat.

Thuem: Tơ blơ̆