Tơroi tơbăt đơ̆ng Anih tơm vei lăng găh jang pơgang ăn ƀôh, sơnăm 2022, tơdrong jang khôi luơ̆t găh vei rơgoh ‘lơ̆ng sa tơmam hơnơ̆ng đei chih pơkeh tôm; tơdrong jang tơroi tơbăt hơnơ̆ng đei tŭn pran; đon băt pơm kiơ̆ khôi luơ̆t đơ̆ng anih pơm tơlĕch roi ‘năr roi đei hơtŏk ‘lơ̆ng. Mă lei, kiơ̆ đơ̆ng dăr hơlen, hơlen lăng, oei chă ƀôh dôm jĭt rơbâu anih jang pơm glăi, hlôi phak hloh 7.600 anih jang, hăm kơ sô̆ jên phak hloh 75 ti hlak jên.

Pơma pơ tôch tơ̆ ‘măng hop akŏm, Phŏ Thủ tướng Vũ Đức Đam athei Anih tơm vei lăng găh jang pơgang hơnơ̆ng hơtŏk loi dơ̆ng tŭn pran tơdrong jang hơlen lăng, tơ̆ dôm kơchơ, tơmam hơdrih vă chă ƀôh dôm tơmam ưh kơ rơgoh ‘lơ̆ng, hơdai hăm dôm trong jang vă hơlen lăng chă ƀôh hrôih dôm tơmam ưh kơ rơgoh ‘lơ̆ng vă tơroi tơbăt hơdrol hlôih hloh.