Tơ̆ hop akŏm, dôm bơngai tang măt akŏm pơma dơnuh dôm tơdrong: Hơtŏk tơiung kơjăp păng hơtŏk ‘lơ̆ng kơjă kăp gĭt Việt Nam lơ̆m tơdrong kơjă kăp gĭt jơ̆p plĕnh teh; tơgoăt cham char tơmam, pơvih pơvăn kơmăy kơmŏk kơsô̆ Make in Viet Nam lơ̆m păng ‘ngoăih teh đak; tơdrong jang hơtŏk tơiung anih jang mơdro sa kơmăy kơmŏk kơsô̆ lơ̆m teh đak, tơlĕch trong jang hơmet pơ ‘lơ̆ng dôm tơdrong lơ̆m hơtŏk tơiung anih jang mơdro sa kơmăy kơmŏk kơsô̆ tơ̆ Việt Nam, tơchă tơdrong hiôk kŭm nhen trong iŏk jang anih tĕch mơdro teh đak đe.

Pơma tơ̆ hop akŏm Phŏ Thủ tướng Vũ Đức Đam pơma hơdăh, tơ̆ hơnăp kơnh dôm anih jang mơdro sa Việt kăl kơ tơgoăt hơdai pơjing khŭl jang đei bơngai chông trong, 1 ƀơ̆r đon jing jơhngơ̆m pran, vang hơdai băl nuih pran hloh, yak lĕch tơ̆ anih tĕch mơdro teh đak đe hăm jơhngơ̆m lui ngeh.