VOV4.Bahnar - Năr 6/3 âm lịch, Yôk Ƀok dơnơm Hùng Vương, Pơm lêh Đền Hùng đei pơgơ̆r hăm hơnăn "Linh thiêng nguồn cội, Đất Tổ Hùng Vương" tơklep hăm tơbăt 10 sơnăm UNESCO drơ̆ng nơ̆r "Tơdrong joăt soi tơbĕh Hùng Vương tơ̆ Phú Thọ" ‘nŏh Tơdrong joăt oei sa gĭt kăl dăr sơnăm kơ kon bơngai. Pơm lêh Yôk Ƀok dơnơm Lạc Long Quân hăm pơm lêh Sŏh hlôt nhang tơbăt Yă dơnơm Âu Cơ năr 6/3 âm lịch; Pơm lêh sŏh hlôt nhang tơbăt rim Ƀok pơtao Hùng năr 10/3 Âm lĭch păng Pơm lêh glơng ming gơvang pơkao tơ̆ Hơnĭh man tơbăt “Ƀok Hô pơma dơnŭh hăm kang ƀô̆, ƀô̆ đô̆i Đại đoàn quân tiên phong”. Ƀok Hồ Đại Dũng, Kơ iĕng Kơdră chĕp pơgơ̆r Dơnŏ anĭh vei lăng kon pơlei kơ dêh char Phú Thọ, Kơdră chĕp pơgơ̆r Hơnĭh pơgơ̆r Yôk Ƀok dơnơm Hùng Vương - Pơm lêh Hơnĭh soi tơbĕh Ƀok pơtao sơnăm Nhâm Dần 2022 tơbăt, dêh char hlôi pơjing rơvơn hlŏh ăn kon pơlei vang năm, vei răk rim tơdrong joăt joe soi tơbĕh, mă kăl lơ̆m rim jơ ‘năr pơm lêh Đền Hùng năr 10 khei 3 âm lĭch rim sơnăm.

Tơblơ̆ nơ̆r: Amazưt