VOV4.Bahnar - Kơsơ̆ năr 22/3, tơ̆ pơlei tơm Hạ Long, dêh char Quảng Ninh, Dơnŏ anĭh tơm vei lăng Joh ayŏ, Đă ƀŏng lŏng tơplŏng kơdau păng Tơmang pơ hiơ̆ iung jang hơdoi hăm Dơnŏ anĭh vei lăng kon pơlei dêh char Quảng Ninh, rim hơnĭh ƀơm trŭh pơgơ̆r Hop akŏm tơlĕch jang plôih ‘măng dơ̆ng ăn bơ̆ jang tơmang pơ hiơ̆: Việt Nam - Iung jang tôm tong. Tơ̆ hop akŏm, ƀok Nguyễn Trùng Khánh, Kơdră chĕp pơgơ̆r Dơnŏ anĭh tơm vei lăng Joh ayŏ, Đă ƀŏng lŏng tơplŏng kơdau păng Tơmang pơ hiơ̆ hlôi tơbăt hơdăh trong jang tơmang pơ hiơ̆ lơ̆m tĕh đak păng tơ̆ tĕh đak đe lơ̆m khei ‘năr hle hăm dôm tơdrong tơchơ̆t sơđơ̆ng ‘nŏh trong jang kăl hlŏh.  Jing hơnĭh tơmang pơ hiơ̆ tĭh hlŏh kơ tĕh đak, dêh char Quảng Ninh jei hlôi tơlĕch jang sơng hơvơn tơmoi hăm pơgơ̆r jŏh ayŏ kơdŏ soang, đă ƀŏng lŏng tơplŏng kơdau, tơmang pơ hiơ̆ đunh năr lơ̆m sơnăm 2022. Hơdrô̆ lơ̆m khei 4 gô đei pơgơ̆r: Pơm lêh Carnaval Hạ Long 2022,Pơm lêh Ao tai, Pơlong pai por ‘nhot, pơlong Xiêk apŭng plĕnh tĕh ...

Tơblơ̆ nơ̆r: Amazưt