VOV4.Bahnar - Tơ̆ Hơ nih joh ayŏ dêh char Dak Lak, Khŭl jang găh chhơ̆ pơ rŏ Việt Nam jang hơ dai hăm Anih vei lăng joh ayŏ - tơ plŏng kơ dâu - tơ mang lăng dêh char Dak Lak ‘nao pơ gơ̆r pơ dă um rup tơ goăt - Canavan tơ drong chhơ̆ klĕch groi teh Việt. Pơ dă tơ ƀôh hloh 100 tŏ rup đơ̆ng dôm bơ ngai chhơ̆ lơ̆m tơ drong jang canavan – tơ drong chhơ̆ klĕch groi teh Việt păng dôm bơ ngai chhơ̆ găh khŭl jang chhơ̆ pơ rŏ dêh char Dak Lak bơ̆ jang kiơ̆. Dôm um rup chhơ̆ tơ ƀôh dơ̆ng tơ drong arih sa chơt hơ iă, ƀĕnh tơ drong ‘lơ̆ng đơ̆ng kon bơ ngai păng tơ ring teh Tây Nguyên.  

Tơ moi lăng pơ dă rup

Canavan tơ drong chhơ̆ klĕch groi teh Việt đei pơ jing sơ năm 2022, jĭ 1 hơ nih pơ cheh um rup chhơ̆ ‘noh đei 20 ‘nu bơ ngai chhơ̆ đei rơih iŏk. ‘Măng chhơ̆ klĕch groi teh Việt ‘măng mă blŭng pơ gơ̆r hăm tơ drong jang hơ dai đơ̆ng Khŭl jang tơ mam pơ rŏ Việt Nam anih jang tơ ring pơ băh păng Vietnam Art Space, năm đơ̆ng pơ lei tơm Hồ Chí Minh truh tơ̆ hơ nih hơ tuch ‘noh Đà Nẵng, rok trong năm gô năm klĕch lơ ring nhen: Dak Lak, Kon Tum, Bình Định, Phú Yên vă tơ ƀôh tơ drong hơ iă đơ̆ng rim tơ ring kơ teh đak kiơ̆ tơ drong pơ cheh đơ̆ng bơ ngai chhơ̆.

Thuem: Tơ blơ̆