VOV4.Bahnar - Pơ gê hei (10/10), tơ̆ Hnam Kuôk hô̆i, pơ gơ̆r ‘Măng hop akŏm mă 16 kơ Anih chĕp kơ̆l Kuôk hô̆i jăl 15. Pơ gơ̆r lơ̆m 3 năr, tơ̆ ‘măng hop akŏm âu, Anih chĕp kơ̆l Kuôk hô̆i gô set hơ len, tơ gop nơ̆r găh dôm tơ drong gĭt kăl gô pơ truh ăn Kuôk hô̆i tơ̆ ‘Măng hop akŏm mă 4, Kuôk hô̆i jăl 15 tơ chĕng hơ drol pơ gơ̆r blŭng ƀơ̆t ‘năr 20-10 truh âu kơnh. Găh tơ drong pơ jing khôi luơ̆t, tơ̆ ‘măng hop akŏm âu, Anih chĕp kơ̆l Kuôk hô̆i tơ gop nơ̆r găh hla ar chih ming Tơ drong tơ chơ̆t đơ̆ng Kuôk hô̆i găh pơ long lăng asong gơh rơ̆ih iŏk yua kơ ƀang kơ sô̆ gre ô tô pơ drơ̆ng kiơ̆ chă rơ̆ih bơ ngai răt kơ jă lơ hloh.

Jơ hop akŏm kơ Anih chĕp kơ̆l Kuôk hô̆i

Anih chĕp kơ̆l Kuôk hô̆i kŭm tơ gop nơ̆r lơ̆m hla ar chih tơ roi tơ băt akŏm nơ̆r tơ gop, apĭnh đơ̆ng bơ ngai tăh hla păng Kon pơ lei gơ̆ih truh ‘măng hop akŏm mă 4 kơ Kuôk hô̆i: hla ar tơ roi tơ băt pơ tôch dăr hơ len tơ drong hơ met pơ ‘lơ̆ng, tơl nơ̆r apĭnh đơ̆ng bơ ngai tăh hla gơ̆ih truh ‘măng hop akŏm mă 3 kơ Kuôk hô̆i; hla ar tơ roi tơ băt pơ tôch sơng kon pơ lei, sơng iŏk hơ met pơ ‘lơ̆ng hla ar kơ thơ đơ̆ng kon pơ lei păng pơ tôch dăr hơ len lăng tơ drong sek tơ lang tơ drong tơ kêng tơ hlâu đơ̆ng kon pơ lei gơ̆ih truh Kuôk hô̆i sơ năm 2022 păng lơ tơ drong gĭt kăl nai hai.

VOV/Thuem tơ blơ̆