VOV4.Bahnar - Pơ gê ‘năr 13/10, Hop akŏm Khŭl Hơ druh tơ dăm Cộng sản Hồ Chí Minh dêh char Gia Lai ‘măng mă XV, jăl jang 2022  -2027 pơ gơ̆r hăm tơ drong vang akŏm đơ̆ng 250 ‘nu bơ ngai tang măt ăn kơ hloh 370 rơ bâu ‘nu kang ƀô̆ đoàn viên kơ dêh char. Hăm nơ̆r pơ ma bơ̆ jang “ Tơ goăt 1 jơ hngơ̆m đon - Iung jang hơ drol - Pơ nam - Hơ gei - Hơ pơi ‘meh”, Hop akŏm tơ lĕch ăn 13 tơ drong hơ găt tơm lơ̆m jăl jang 2022 -2027.

Pơ gơ̆r blŭng hop akŏm bơ ngai tang măt Khŭl hơ druh tơ dăm cộng sản Hồ Chí Minh dêh char Gia Lai ‘măng mă XV

Mĭnh lơ̆m dôm tơ drong ‘noh jĭ jang kiơ̆ jơ nei dôm tơ drong jang tơ gŭm hơ druh tơ dăm mơ mat tat; hơ nơ̆ng jang kiơ̆ ‘lơ̆ng dôm tơ drong jang ‘mêm mơ nat, jang tơ gŭm tơ̆ tơ ring vă tơ gop lơ̆m tơ drong jang sut pơ ngot tơ jur dơ nuh hin păng pơ jing tơ ring tơ rang ‘nao tơ̆ tơ ring. ‘Nhŏng Lê Trọng Phúc, Bơ ngai jang lơ̆m Khŭl chĕp kơ̆l Anih jang Đoàn dêh char Gia Lai, Bí thư Anih jang đoàn apŭng Đức Cơ ‘meh vă, hop akŏm gô tơ gŭm ăn tơ drong jang khŭl iŏk đei ‘meh vă đơ̆ng đoàn viên hơ druh tơ dăm lơ̆m jăl jang ‘nao.

VOV Tây Nguyên/Thuem tơ blơ̆