VOV4.Bahnar - Hop akŏm bơ ngai tang măt lơ̆m teh đak Khŭl jang vei lăng tơ gŭm bơ ngai jo jăn păng hơ ioh mơ ti Việt Nam ‘măng mă 6 (jăl jang 2022-2027) hlôi pơ tơm pơ gơ̆r blŭng lơ̆m pơ gê ‘năr 26/4, tơ̆ Hà Nội. ‘Nâu jĭ tơ drong jang ‘lơ̆ng gĭt kăl hăm tơ drong jang Khŭl tơ̆ Trung ương păng 45 anih jang lơ̆m khŭl. Vang Hop akŏm đei 350 ‘nu bơ ngai tang măt đei rơ̆ih iŏk đơ̆ng 47 dêh char pơ lei tơm, khŭl, bơ ngai jang pơ ma dơ nuh hăm rim anih jang tơ̆ Trung ương, dôm bơ ngai hơ gei. Hop akŏm pơ tôch 5 sơ năm bơ̆ jang jăl jang 5 (2017-2022), hơ dai hăm tơ lĕch trong jang lơ̆m jăl jang pơ tăl dơ̆ng. Lơ̆m jơ năr bơ̆ jang đơ̆ng Hop akŏm gô pơ gơ̆r Lêh tơ băt 30 sơ năm năr pơ jing Khŭl jang vei lăng tơ gŭm bơ ngai jo jăn păng hơ ioh mơ ti Việt Nam păng tơ drong jang hơ ri hơ soang “ Mĭnh plei nŭih - Mĭnh apŭng plĕnh teh” ‘măng mă 17.

Thuem: Tơ blơ̆