VOV4.Bahnar - Pơ ma tơ̆ jơ hop akŏm mă 1 kơ Anih pơ gơ̆r jang hơ met ming trong pơm hla ar vei lăng đơ̆ng Khul kơ dră tĕh đak pơ gơ̆r pơ gê 9/3, Thủ tướng Phạm Minh Chính, Kơ dră chĕp kơ̆l Anih pơ gơ̆r jang pơ ma hơ dăh, athei pơ jing đei hơ yak tŏk pran ‘lơ̆ng găh tơ drong hơ met ming trong pơm hla ar, mă loi jĭ trong pơm dôm hla ar hăm kon pơ lei, anih tĕch mơ dro, vă tơ iung jơ hngâm, akŏm đei tơ drong ‘lơ̆ng vă jang tŏk tĕh đak. Athei hơ nơ̆ng hơ len năng hơ năp jang, tơ drong jang, gơ̆h jang vă huei hơ drom băl mưh bơ̆ jang păng pơm tơ jur ƀiơ̆ anih dơ̆ng hơ lam.

Thủ tướng Phạm Minh Chính pơ ma, hop akŏm âu tôch gĭt kăl vă hơ len năng trong pơm hla ar sơ năm 2021, chih hơ dăh tơ drong jang sơ năm 2022; pơ ma nuh 1,2 tơ drong hơ găt, trong bơ̆ jang. Tơ drong hơ met ming trong pơm hla ar athei tưk mă pran vang tơ gop tang găn tơ drong glăi, jang ưh ‘lơ ‘lŏ, mă loi jĭ tơ drong xa pơ gâm sĕt sĕt. Găh tơ drong jang tơ yăn âu, Thủ tướng athei, hơ tŏk hơ năp jang đơ̆ng bơ ngai chĕp kơ̆l; tơ lĕch jang mă pran, đei yoa tơ drong jang tơm hơ met ming trong pơm hla ar vei lăng tĕh đak đơ̆ng 2021-2030.

Dơ̆ng: Tơ blơ̆