VOV4.Bahnar - ‘Năr 11/5, tơ̆ Hnam Kuôk hô̆i, Pơ gơ̆r ‘măng hop akŏm mă 11 kơ Anih chĕp kơ̆l pơ gơ̆r Kuôk hô̆i. ‘Măng hop akŏm âu, Anih chĕp kơ̆l pơ gơ̆r Kuôk hô̆i ăn tơ gop nơ̆r hăm 11 tơ drong. Mă hơ dăh ‘noh: tơ roi tơ băt hơ len lăng tơ mơ̆t dơ̆ng iŏk yua bơ̆ jang kiơ̆ hơ năp jang hơ tŏk tơ iung mŭk drăm - tơ pôl păng jên jang teh đak sơ năm 2021, tơ drong tơ lĕch jang bơ̆ jang kiơ̆ trong vă jang hơ tŏk tơ iung mŭk drăm tơ pôl păng jên jang teh đak dôm khei blŭng sơ năm ‘nâu; tơ roi tơ băt pơ tôch dăr hơ len tơ drong hơ met pơ ‘lơ̆ng, tơ̆l nơ̆r apĭnh đơ̆ng bơ ngai tăh hla gơ̆ih truh ‘măng hop akŏm mă 2, Kuôk hô̆i jăl 15; set hơ len tơ roi tơ băt tơ drong jang kon pơ lei ‘meh vă đơ̆ng Kuôk hô̆i khei 4 sơ năm ‘nâu. Hơ dai hăm ‘noh, ăn tơ gop nơ̆r găh  hla ar tơ roi tơ băt akŏm nơ̆r tơ gop, apĭnh đơ̆ng bơ ngai tăh hla păng kon pơ lei gơ̆ih truh ‘măng hop akŏm mă 3, Kuôk hô̆i jăl 15; ăn tơ gop nơ̆r găh hla ar chih tơ chơ̆t tơ lĕch ăn tơ drong tơ chơ̆t ‘măng hop a ŏm Kuôk hô̆i ( hơ met ming); ăn tơ gop nơ̆r găh tơ drong hơ met ăn ‘măng hop akŏm mă 3 kơ Kuôk hô̆i, păng lơ tơ drong gĭt kăl nai hai.

Thuem: Tơ blơ̆