VOV4.Bahnar - Kơ sơ̆ 22/3, Grŭp jang Sovico pơ gơ̆r pơ jao Trang điên tư tơ gŭm ăn Anih vei lăng jên mong răt vắc-xin tang găn jĭ Covid-19 vă hơ nơ̆ng tơ roi tơ băt, krao hơ vơn vang tơ gŭm ăn anih mong jên.

Đơ̆ng rŏng vă jê̆ 1 sơ năm tơ mât yoa, kiơ̆ đơ̆ng website: www.quyvacxincovid19.gov.vn dôm tơ drong jang đơ̆ng anih mong jên đei roi tơ băt tôch rơ đăh, đơ̆ng tơ drong krao hơ vơn, tơ gŭm truh iŏk yoa jên, vang tơ iung jơ hngâm đon ‘lơ̆ng păng pơ lung rim bơ ngai, anih jang, khul grŭp tơ pôl vang tơ gop ăn Anih mong jên răt vắc-xin tang găn jĭ Covid 19.

Jô̆ truh 5 jơ kơ sơ̆ ‘năr 21/3/2022 akŏm đĭ đăng jên mong đei tơ̆ anih mong jên âu (jô̆ hăm jên Việt Nam bơ̆n păng jên tĕh đak đe đei tơ plih ming) ‘nŏh hlŏh 8.950 ti.

Dơ̆ng: Tơ blơ̆